Бағдарламаға шағын кәсіпкерлік субъектілері, оның ішінде ісін жаңа бастаған жас кәсіпкерлер, ісін жаңа бастаған кәсіпкерлер қатыса алады. Гранттар экономиканың басым секторларында өтеусіз негізде беріледі.

Анықтама үшін: Ісін жаңа бастаған жас кәсіпкер – мемлекеттік грант алу үшін өңірлік үйлестірушіге жүгінген кезде ЖК ретінде мемлекеттік тіркеу мерзімі 3 жылдан аз уақытты құрайтын 29 жасқа дейінгі (қоса алғанда) кәсіпкер;

Халықтың әлеуметтік осал топтары – «Тұрғын үй қатынастары туралы» Қазақстан Республикасы Заңының 68-бабында айқындалған азаматтар санаттары.

Халықтың әлеуметтік осал топтарына:
1) Ұлы Отан соғысының ардагерлері;
1-1) жеңілдіктер бойынша Ұлы Отан соғысының ардагерлеріне теңестірілген ардагерлер;
1-2) басқа мемлекеттер аумағындағы ұрыс қимылдарының ардагерлері;
2) 1 және 2 топтағы мүгедектер*;
3) мүгедек балалары бар немесе оларды тәрбиелеуші отбасылар;
4) денсаулық сақтау саласындағы уәкілетті орган бекітетін аурулар тізімінде санамаланған кейбір созылмалы аурулардың ауыр түрлерімен ауыратын адамдар жатады;
5) жасына байланысты зейнеткерлер;
6) Кәмелетке толғанға дейін ата-анасынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалар жатады. Мұндай адамдар әскери қызметке шақырылған кезде жасы мерзімді әскери қызметті өткеру мерзіміне ұзартылады;
7) қандастар;
8) экологиялық зілзалалар, табиғи және техногендік сипаттағы төтенше жағдайлар салдарынан тұрғын үйінен айырылған адамдар;
9) «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар, көп балалы отбасылар;
10) мемлекеттік немесе қоғамдық міндеттерді, әскери қызметті орындау кезінде, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде, құқық тәртібін қорғау кезінде қаза тапқан (қайтыс болған) адамдардың отбасылары;
11) толық емес отбасылар жатады:

*оның ішінде 3 топтағы мүгедектер.