Құрметті кәсіпкерлер!
«Бизнестің жол картасы-2025» бағдарламасы шеңберінде жаңа бизнес-идеяларды іске асыру үшін Мемлекеттік гранттар беру жөніндегі қағидалардағы өзгерістер туралы хабарлауға асықпыз.
Грант сомасы бойынша: грант 5 млн теңгеге дейін беріледі (бұрын сома 2 млн теңгеден 5 млн теңгеге дейін болған).
Міндетті шарттар бойынша: ХӘОТ санатындағы адамдар мен 3-топтағы мүгедектерден басқалар үшін (бұрын жеңілдіктер 3-топтағы мүгедектерге қолданылмаған), бизнес-идеялардың жаңашылдығы және сұратылып отырған грант сомасының кемінде 10% мөлшерінде жобаны өз қаражатымен қоса қаржыландыру талап етіледі.
Қаражатты нысаналы пайдалану бойынша: негізгі құралдарды салуға, жаңғыртуға, қайта жаңартуға, күрделі жөндеуге арналған қаражатты пайдалануға жол беріледі (бұрын гранттық қаражатты осы мақсаттарға пайдалануға тыйым салынған еді). Сонымен бірге, өңдеу өнеркәсібіне жататын азық-түлік өнімдерін өндіру жөніндегі жобаларды (бұрын жобаға қарамастан ауыл шаруашылығы малдарын сатып алуға рұқсат етілген) қоспағанда, жануарларды (ірі қара және ұсақ малды, үй құстарын, бал араларын және өзге де ауыл шаруашылығы жануарларын) сатып алуға гранттық қаражатты пайдалануға тыйым салынады.
Гранттық қаржыландыруды ұсыну жөніндегі бағдарламаға қайта қатысу бойынша: бұрын «БЖК-2020» және «БЖК-2025» бағдарламалары бойынша грант алған адамдар қайта қатыса алмайды (бұрын грант алғаннан кейін бір жылдан кейін қайта қатысуға жол берілген болатын).
Жобаны іске асыру орны бойынша: Алматы қаласынан басқа аймақта тіркелген және жобаны іске асыруды жоспарлайтын тұлғалар Алматы қаласында грантқа өтінім бере алмайды (бұрын Алматы қаласында тіркелген ЖК басқа өңірде жобаны іске асыруға рұқсат етілген болатын).
Жаңа ОКЭДтер қосылды:
35.11.5 Күн электр станцияларының электр энергиясын өндіруі;
35.11.9 Басқа электр станцияларының электр энергиясын өндіруі;
58 Баспа қызметі;
68.20.1-2 Қойма үй-жайларын жалға алу;
77.11 Отандық өндірістегі жеңіл автомобильдерді жалға алу және лизинг.
Құжаттың толық мәтінімен сілтеме бойынша танысуға болады.
